![](https://blogger.googleusercontent.com/img/b/R29vZ2xl/AVvXsEgXUMpa5rHgcE0AdarqIZRca4C-n6IMtqLup7arKxH1x68oiB1sqEfkK7LbpOItI36n4JNML0J-efUmTpYxv1T7Plxo5MKGG1o73GVWvmpRnEvCF-NRj9QMruD99C3QQHrF8ghKmCSeKr4/s320/28-8-2009+redcross,360univercity+avenue+041.jpg)
![](https://blogger.googleusercontent.com/img/b/R29vZ2xl/AVvXsEiWyySqhzMIEA9HWaYpf_j5i8-FEfFC9D9kaHIFzGtZm3Cs2uwjJSJiwxpvx18lg-WOTvaD2Vcj7vX3x465bejqFnptqDlDrRYbXVBkBHPhGsR2xz_5AYpYR2hDchcJA2Nn2aTZtroLkeY/s320/28-8-2009+redcross,360univercity+avenue+024.jpg)
![](https://blogger.googleusercontent.com/img/b/R29vZ2xl/AVvXsEhG3QEMUZ_PayjJW-tkR2AXcQPIGBag5bnXag8KukK0OKWteaqBGfdrmAIb8nKQEu2fDcEiB9WOlrhZ9Hr2P2p3p4_-ZndwchGHC8Ifd-Q68PGZ7BLtOGhJtw86BQuqW6aEtvBRlm8pGXM/s320/28-8-2009+redcross,360univercity+avenue+103.jpg)
![](https://blogger.googleusercontent.com/img/b/R29vZ2xl/AVvXsEgcK4BAYnxUhDbL73psFuLdqV82ZPH-lHxKJ__u11re34pl68vGvqWGmTDshn8It7kn169KLwrr6lAjeZ7kabw1bngT-suOsxHDmsfHO9h-31m22FLfNKRwlIruRR_qzYHxutJlddxg9FE/s320/28-8-2009+redcross,360univercity+avenue+098.jpg)
![](https://blogger.googleusercontent.com/img/b/R29vZ2xl/AVvXsEiFLizEBmaH_IMDn-mPiFZDu1CLzYGtQI_nbpoKPG4C9SPGnbVCbOUtOyXuJ-rTF_ob_vOjSXyED5NNlEmkoOh9kYdTJ-6ozHWNaNx07K-vf2pZhhePxZXchb0kYVa8hPRM2qF7g9T2Qxk/s320/28-8-2009+redcross,360univercity+avenue+124.jpg)
![](https://blogger.googleusercontent.com/img/b/R29vZ2xl/AVvXsEiiBMRTAIhEvkzNss0pyXQ-vGnjFWQFdRUAh7s_r_zRgOwuBGkBuQ_YAQwGV9HPrxgT7ctuw9XeNYG6JCxDc9ax4vdMLO0iWyixS3vscv68j-wcrHMdUhd39Pxqa1Yytoawxle9ok_uQl4/s320/28-8-2009+redcross,360univercity+avenue+123.jpg)
![](https://blogger.googleusercontent.com/img/b/R29vZ2xl/AVvXsEgB6kPlHaRL0QSlZ4ZIIjrw9dJsqGU0AQ2VpASqM1vJAbnGap2U5AnOR51MqSiYaKL-lrg2oCrw4Kz-yk1YHRUlIxbHskxuKfHkpUHPdSvi7p8VyBWVMvoo2VIdUg_67fveLb95L7TjX0Q/s320/28-8-2009+redcross,360univercity+avenue+122.jpg)
கனடா ரொரன்டோ நகரின் மத்தியில் 360 யூனிவேர்சிற்றி அவெனியு வீதியில் அமைந்திருக்கும் அமெரிக்கத் துணைத்தூதரகத்தின் முன்பாக 128 நாட்களைக் கடந்தும் தொடரும் கவனயீர்ப்புப் போராட்டம்.
கடந்த 128 நாட்களாக தமிழீழத்தில் சிறீலங்கா அரசின் இன அழிப்புக்கு உள்ளாக்கப்பட்டுவரும் தமிழினத்தைக் காக்கவும், வதைமுகாம்களுக்குள் அடைக்கப்பட்டு சித்ரவதைகளுக்கு உள்ளாக்கப்படும் 3 இலட்சம் தமிழ் மக்களை விடுவித்து அவரவர் வீடுகளில் மறுபடியும் மீளக் குடியமர்த்த ஆவன செய்யக் கோரியும், தமிழருக்கான உரிமைகளை நீதியான முறையில் கிடைப்பதற்கு அமெரிக்க அதிபர் ஒபாமாவை உதவக் கோரியும் தொடர்ந்து இக்கவனயீர்ப்பு நிகழ்த்தப்படுகிறது.
நாளாந்தம் காலை 8 மணிக்கு ஆரம்பமாகும் இக்கவனயீர்ப்பு மாலை 9 மணிக்கு சிறீலங்கா அரசினால் படுகொலை செய்யப்பட்ட அனைத்துத் தமிழ் மக்களுக்காக மெழுகுவர்த்தி ஏந்திப் பிரார்த்தனை செய்து நிறைவுபெறுகின்றது.
ஓகஸ்ட் 28 வெள்ளிக்கிழமை, இக்கவனயீர்ப்பு நிகழ்வானது 500இற்கு மேற்பட்ட மக்களுடன் மாலை 8 மணிக்கு ரொரன்டோ மாநகரின் மையப்பகுதியில் ஊர்வலமாக நகர்ந்து ஒரு மணி நேரத்திற்கு மேலாக யூனிவேர்சிற்றி அவெனியுவில் ஆரம்பித்த ஊர்வல நகர்வு கொலிச் வீதியூடாக யங் வீதியில் பயணித்து, குயின் வீதியில் வலது புறமாகத்திரும்பி யூனிவேர்சிற்றி அவெனியு வீதியை வந்தடைந்து சிறீலங்கா சிங்கள இனவாத அரசால் கொல்லப்பட்ட மக்களுக்கு மெழுகுவர்த்தி ஏந்தி அஞ்சலி செய்து நிறைவு பெற்றது. நாளாந்தம் தொடரும் இக்கவனயீர்ப்பில் பிற இனத்தவர்களும் கலந்து கொள்வது குறிப்பிடத்தக்கது. காலவரையின்றி இப்போராட்டம் தொடர்கிறது. சமீப காலமாக இப்போராட்டம் கூர்ப்படைந்து வருவது குறிப்பிடத்தக்கது.
கருத்துகள் இல்லை:
கருத்துரையிடுக